Ruset tar over etter Trond Seth frå Haram kommune. Ruset har vore styremedlem i fylkespartiet.
Ruset har vore ordførar i Norddal kommune sidan 2007.
Stor utfordring
No tek han over roret i eit fylkesparti som er splitta i den betente sjukehussaka på Nordmøre og i Romsdal. Han får ei stor utfordring i å skape ro, medgir han.
Ruset vil straks ta tak i saka og prøve å finne ei løysing som alle kan jobbe vidare med i lag.
Treng snarleg svar
Ruset seier at han vil ta kontakt med lokallaga for å høyre kva for løysingar dei ser for seg. Han vil også gå på partiet sentralt.
- Vi må ha ei avklaring for korleis vi skal gå fram vidare. Dette må vi ha svar på i løpet av nokre månader.
Ruset meiner det ikkje er bra for nokon av sidene å leve i konstant uvisse om kva som ventar i ei så viktig sak.
