Onsdag ettermiddag fekk dei fleste av dei 296 evaukerte flytte heim igjen. Ved 18-tida avgrensa politiet det avsperra området.
For det er ikkje alle dei evakuerte som får flytte heim att. Politiet vil framleis sperre av eit avgrensa område rundt bygget inntil dei omkomne er tatt ut.
Gravemaskin
I lag med heimkomne evakuerte køyrde ei gravemaskin frå Blindheimmaskin inn i Fjelltunvegen.
- Vår jobb er å rydde gata utafor huset, seier Øystein Hurlen i Blindheim Maskin.
I første omgang set dei inn ei gravemaskin og ein lastebil til dette arbeidet.
Arbeidet med å rive restane av bygnignen vil ikkje starte før dei fem omkomne er tatt ut og det er lagt ein sikker plan for korleis dette kan gjerast.