Fengselet i Ålesund ligg midt i sentrum. Bygningane er frå 1860 og fengselet blei gjenreist etter brannen i 1904. Fasadane er freda, så det er ikkje mogleg å byggje ut fengselet der det ligg i dag.
Arnulf Goksøyr er leiar i Sunnmøre regionråd.
Foto: Johan Hjelvik– Vi var gjennom ein kamp tidleg på 2000-talet. Den gongen vann ikkje Sunnmøre fram. No er det viktig å sørgje for at det blir nytt fengsel på Sunnmøre. Vi tek fatt i dette så snart som råd, seier leiar i Sunnmøre regionråd, Arnulf Goksøyr.
– Dette er noko som hastar?
– Så lengje fasilitetane i Ålesund ikkje strekkjer til kvalitetsmessig, er det om å gjere å få avklart både byggetidspunkt og kvar det skal ligge. Så kan vi innrette oss på ein ny situasjon.
- Les også:
- Les også:
– Ålesund bør prioriterast
Men det kjem til å bli kamp om pengane og om å kome høgast på prioriteringslista. I region vest treng også Haugesund ei opprusting av fengselstilbodet. Det same gjeld ei rekkje stader i heile landet. Ifølgje rapporten skal fleire dårlege og små fengsel erstattast av nye, samlokaliserte fengsel.
Jenny Klinge sit på Stortinget for Senterpartiet.
Foto: Eirik Haukenes / NRK– Ålesund er eitt av dei fengsla som det blir peika på i sterkast grad. Her må ein ha eit nytt bygg. Vi skal argumentere godt for Ålesund, for at dette blir realisert raskast mogleg, seier justispolitikar i Senterpartiet, Jenny Klinge.
- Les også:
- Les også:
– Pengane først
Eit nytt fengsel kan ikkje byggjast der det gamle ligg i dag. Fasaden er verna, og det er for trongt i sentrumsområdet i Ålesund. Det er i dag uklart om eit nybygg kjem innan kommunegrensene til Ålesund, i Haram, Sula, Skodje eller ein annan stad nær Ålesund.
– For nokre år sidan hadde vi ei utgreiing som peikte ut Haram. Det kan dukke opp nye alternativ. Det viktigaste no er å skaffe pengar til nytt fengsel. Så får valet av stad vere ei sak for seg, seier Arnulf Goksøyr.
