No kjem sjukehuskutta
Helse Møre og Romsdal må vurdere strukturar og funksjonar i heile helseføretaket får å få ei berekraftig drift - på både kort og lang sikt.
Det framgår av budsjettarbeidet for 2019 som skal opp i styret komande onsdag.
Den økonomiske situasjonen er blitt stadig forverra. Som følgje av dette vedgår administerrande direktør Espen Remma at tiltaka som til no har vore skissert i utviklingsplanen ikkje har vore tilstrekkeleg.
Dermed må no Helse Møre og Romsdal sjå på heile omfanget av tenester. Arbeidet med strukturelle endringar i tenestetilbodet kjem til å stå sentralt i det vidare budsjettarbeidet, heiter det i dokumentet som blir lagt fram for styret.
