Det var om kvelden fredag 17. august 2001 ved Eidet i Surnadal. Den då 18 år gamle mannen køyrde bilen, og på slep hadde han ei uregistrert campingvogn.
I vogna sat ei fjorten år gamal jente og ein person til.
Ifølgje påtalemakta køyrde den no 20 år gamle mannen så fort at han mista kontrollen over bilen og hamna i grøfta.
Campingvogna vart knust, den 14 år gamle jenta vart kasta ut av vogna og døydde seinare av skadane.
20-åringen kjem til å nekte skuld for aktlaust drap, seier forsvararen hans, Joar Berg Henjum.
Henjum seier 20-åringen ser fram til å få saka avgjort i retten.
Tingretten skal bruke to dagar på behandlinga.