Hydro har kutta 130 stillingar i produksjonen, utan å bruke oppseiingar.
Tillitsvalt Nils Roar Brevik seier prosessen likevel har påverka dei tilsette, og at det har vore ei påkjenning å måtte omstille seg.
Nedbemanninga har skjedd ved frivillige ordningar og ved å overføre tilsette til ein annan del av Hydro si verksemd.
Store kutt
Etter ein gjennomgang av Hydro Aluminium sine verksemder konkluderte leiinga med at det måtte kuttast 800 stilingar på landsbasis. 130 av stillingane var på Sunndalsøra.
Ingen sagt opp
Dei er no ute av aluminiumsdrifta gjennom ulike frivillege ordningar, og ei gruppe er også overført til ein annan del av Hydro si verksemd. Ingen har blitt sagt opp.
Lite informasjon
Fagforeiningane gjekk tidleg ut og kritiserte prosessen, og også i ettertid ser Brevik at informasjonen kunne har vore betre for å få ein lettare start på nedbemanningsprosessen.