NRK Meny

Mykje bråk og lause tenner

Snø og kaldt, men olitiet har hatt mykje å gjere i Møre og Romsdal natt til søndag.

Politi

Politi over heile fylket har hatt mykje å hanskast med natt til laurdag. (Illustrasjonsfoto)

Foto: Tore Ellingseter / NRK

Artikkelen er mer enn ett år gammel.

I Volda vart ein mannleg bilførar i tjueåra stoppa for kontroll. Det var mistanke om rus.

Klokka 22.41 fekk politiet melding om at ein ATV hadde køyrd av vegen på Tornes i Fræna. Føraren, ein lokal mann i tjueåra, er mistenkt for promillekøyring.

Vist bort frå utestad

I Ålesund måtte to menn visast vekk frå ein utestad i sentrum etter at dei hadde laga støy og bråk på staden. Ein av dei følgde ikkje pålegga frå politiet, og vart sett i arresten.

Også i Sykkylven var det bråk på utestad. Bråkmakaren hadde forlaten staden då politiet kom.

Ulstein brannkorps var ute på brann i to søppelcontainerar i sentrum.

Heldt naboane vakne

I Molde måtte politiet tilkallast til eit nachspiel i Molde sentrum. Festdeltakarane heldt naboane vakne.

Festen vart avslutta. Gjestane vart sendt heim.

To lause tenner

Ein mann i tjueåra frå Fræna var på privatfest i Nesset. Han måtte køyrast til sjukehus med to lause tenner. Politiet veit kven som var gjerningsmann.

I Hareid kom to gutar i tjueåra i klammeri med kvarandre ved ei hytte. Politiet kom til staden og fekk ordna opp. Den eine av gutane var mistenkt for promillekøyring. Han måtte ha legetilsyn på grunn av skade i ein fot.

I Ålesund kom det melding om slåsting utanfor eit gatekjøken i sentrum. Og i same by fekk politiet melding om at ein person hadde fått slått ut ei tann. Gjerningsmannen vart ikkje identifisert.

Ville ikkje forlate staden

I morgontimane kom det melding frå Vestnes om ein plagsam, rusa mann utanfor eit privathus i Skorgedalen. Han ville ikkje forlate staden, og lagde bråk.

Klokka 05.00 avslutta politiet ein høglydt fest på Nordlandet i Kristiansund. Han forstyrra natteroa til folk i nabolaget.

Siste video/lyd

Dei fleste har meir enn nok med å SJÅ utfor kanten på den hundre meter høge Zakariasdammen i Tafjorden på Sunnmøre.
Men det finst folk som vil betale for å få seg ein luftig tur. Og frå neste veke av kan dei gjere akkurat dét...
Fiskesperra som skal redde den nasjonale lakseelva Driva, blir slakta av ekspertar på behandling av gyrosmitte. Miljødirektoratet er ansvarleg for prosjektet til seksti millionar kroner. Dei meiner det trengst berre små justeringar.
Eit heilt spesielt forskingsprosjekt er i gang ved Runde i Herøy. Aldri før er det gjort ei så stor undersøkning med bruk av ny teknologi langs kysten for å kartlegge øko-miljøet. Målet er mellom anna å finne ut kvifor bestanden av toppskarv og lundefugl går så kraftig ned.