No har musikkbransjen oppdaga denne vegen

Det har vore spelt inn ei rekkje reklamefilmar for bilar og motorsyklar på Atlanterhavsvegen. Men no har musikkindustrien fått augene opp for perla.

No har musikkindustrien fått augene opp for Atlanterhavsvegen

Filmteamet stod i dag opp grytidleg for å filme soloppgangen på Atlanterhavsveien.

Eit svensk filmteam har i dag stått opp i gryotta for å få med seg soloppgangen på Averøy. Det er melodien Linger av den svenske artisten David Åhlen som filmast. Ei handlevogn skal trillast opp Storseisundbrua, og dermed får ingen bilar passere.

Overtalte filmteamet

Atlanterhavsveien vill og vakker

Atlanterhavsvegen er kåra til å vere verdas vakraste bilreise.

Foto: Svein Lunde

– Då eg høyrde låta, tenkte eg at Atlanterhavsvegen var den perfekte location, seier Helen Komini Olsen.

Ho er prosjektleiar i Bolyst Averøy, og har brukt overtalingskunst for å få teamet til å komme. Ho er sjølv utdanna filmregissør og inviterte teamet til filmfestival på Averøy. I tillegg til å spele inn musikkvideo skal dei undervise lokal ungdom i det å lage musikkvideo.

Reklame for bilar

Atlanterhavsvegen går i sikksakk over sju låge bruer og er åtte kilometer lang. Vegen er kåra til verdas finaste bilreiser av den britiske avisa The Guardians. Mange bilprodusentar har spelt inn reklamefilmar på Atlanterhavsvegen, men no er det musikkbransjen sin tur.

– Klart at ein musikkvideo vil vere ei kjempefin marknadsføring av Averøy og Atlanterhavsvegen, seier Komini Olsen.

Hennar håp er at fleire vil busette seg i kommunen etter at dei har sett videoen.

Siste video/lyd

Ein fem år lang krangel etter rehabilitieringa av Freifjordtunnelen, hamnar no i forliksrådet. 
Statens vegvesen meiner ei svakheit i plastduken som ble laga, kan gi ekstrakostnader i hundremillionar-klassen.
Ålesund kommune har kome på kant med delar av kulturlivet i byen. Då det kom fram at mellom andre Matfestivalen ikkje lenger får halde til på sin tradisjonelle plass midt i sentrum - har mange års irritasjon kome til overflata.
Utdanninga for fagarbeidarane i maritim industri kan bli endra. Ei fersk masteroppgåve konkluderer blant anna med at ein må sjå på heile utdanningsløpet - og at haldninga til yrkesfaga må bli betre.