– Dette skulle eg gjerne vore for utan. Det er trist. Ikkje minst for dei barna det gjeld, seier Tømmerdal til NRK.
Les også:
Sjølvlaga flagg
Roger Lindin i 17. mai-komiteen sa i går at dei helst ser at barna ved Aspøy skole berre brukar norske flagg i toget i Ålesund.
Dette har skapt debatt. Mange meiner politikarane burde tatt avgjerda, og no kallar altså ordføraren inn til møte.
– Det er ei sak som er veldig trist for skulen, og for barna. Dei hadde aldri ønske om at dette skulle bli ei stor mediesak, seier ordføraren.
Skulen er 90 år i år, og har difor spurt om dei kan få bruke små sjølvlaga papirflagg i toget. Årsaka til at dei spurte om dette er at nokre av flagga har norsk flagg på eine sida, og flagget frå landet dei stammar frå til barnet på den andre.
Ikkje formelt avgjort
Politikarane i byen overlet spørsmålet til 17. mai komiteen, og forsvarar dette med at komiteen ikkje er politisk oppnemnd, og at dei difor må få ta sine eigne avgjerder.
Roger Lindin i 17. mai-komiteen seier til NRK tysdag ettermiddag at dei formelt ikkje har behandla saka, og at han no ventar på eit utspel frå ordføraren.
Les også:
Bjørn Tømmerdal ser i ettertid at han som ordførar truleg burde tatt tak i saka før.
– Det viktigaste no er at vi får landa denne saka. Det har eg tenkt å få gjere på fredag, og eg inviterer derfor komiteen til eit møte.
– Kjem barna til å få bruke flagga?
– Det skal eg snakke med komiteen om på fredag, seier Tømmerdal.