NRK Meny

Mor tiltalt for å ha slått smågutane sine gong etter gong

Ei nordmørskvinne i 30-åra er tiltalt for grov vald mot gutane sine på 1 og 5 år. No må ho svare for seg i Nordmøre tingrett.

Tingrett

Ei småbarnsmor frå Nordmøre må i retten, tiltalt for å ha slått borna sine fleire gongar.

Foto: Kallestad, Gorm / SCANPIX
Synnøve Hole
Journalist

Artikkelen er mer enn ett år gammel.

Den yngste guten var ikkje meir enn halvanna år då han ifølgje tiltalen blei angripen av mor si. I perioden august – desember i fjor haust, skal mora ha slått og eller knipe eittåringen fleire gongar.

No er ho tiltalt etter straffelova §219, første ledd, for «grovt eller gjentatt å ha mishandlet, ved å ha øvet vold mot eller på annen måte ha krenket sin tidligere eller nåværende ektefelle eller samboer, sin eller dennes slektning i rett nedstigende linje ...»

Skal ha brukt kjøkkenreiskap

I tillegg til den yngste sonen på eitt år, skal valden også ha gått ut over storebroren på fem år i den same perioden på fleire månader i fjor haust.

Fredag 26. desember skal mora også ha tatt i bruk eit kjøkkenreiskap mot den fem år gamle guten. Ifølgje tiltalen slo ho han fleire gongar i hovudet, slik at han blei påført eit kutt som blødde.

For retten i november

Storesystera var også til stades på kjøkkenet i romjula i fjor, og ho skal ifølgje tiltalen ha blitt lugga.

Saka kjem opp for retten i byrjinga av november.

Siste video/lyd

Mange geitebønder i landet vil ha den elektriske geiteklaven til Gjemnesbedrifta Nofence. Produksjonen pågår for fullt, men geiteklaven er enno ikkje godkjend. Gründerbedrifta treng beitesesongen 2017 for å gi Mattilsynet dokumentasjonen dei krev.
Dei fleste har meir enn nok med å SJÅ utfor kanten på den hundre meter høge Zakariasdammen i Tafjorden på Sunnmøre.
Men det finst folk som vil betale for å få seg ein luftig tur. Og frå neste veke av kan dei gjere akkurat dét...
Fiskesperra som skal redde den nasjonale lakseelva Driva, blir slakta av ekspertar på behandling av gyrosmitte. Miljødirektoratet er ansvarleg for prosjektet til seksti millionar kroner. Dei meiner det trengst berre små justeringar.