Ferja som gjekk frå Molde 18:45 hadde store problem med å legge til på Furneset. NRK's reporter Tore Ellingseter stod på Furneset og såg på då ferja kom til land. Han kan fortelje at ferja kom i land eitt kvarter seinare enn den skulle.
Fannefjord blei liggande på tvers framfor ferjekaia, men skal ha hatt god kontroll, og greidde til slutt å legge til land på Vestnes.
Ferja fekk til slutt frakta passasjerane i land før den returnerte mot Molde. Der blir den liggande i Molde til vêrforholda blir betre.
Mannskapet på Fannefjord seier til NRK, like etter klokka åtte, at det rett og slett var for vanskelege vêrforhold til at dei kan fortsette med til på Furneset.
– Førre tur var det nesten umogleg å legge til på Furneset, så vi er nesten nøydd til å vente til vêret blir betre, seier mannskapet.
– Vi håpar å kunne starte opp att så fort vêret lettar.
Det har vore store problem på sambandet laurdag. Allereie klokka 16.00 blei B-ferja innstilt på grunn av teknisk feil.
Like etter klokka 19.00 kunne Fjord1 melde at det framleis berre var ei ferje på strekninga, og at reisande måtte rekne med forseinkingar på grunn av vanskelege vêrforhold.
