76 minutt ute i kampen gjekk Molde opp i 1-0 då Rune Ertsås fann nettmaskene.
- Vi skal ta stadion tilbake, sa MFK-trenar Kjell Jonevret til klubben sine nettsider før siste treningskamp. I fjor gjorde klubben det dårleg heime, men det vil han endre på.
I kveld hadde han siste sjanse til finpuss før seriestarten 15. mars, når AaFK gjesta Aker Stadion.
Kampen starta klokka 18.00.
MFK
Molde stilte i følge eigne nettsider med dette laget:
Jan Kjell Larsen - Kristoffer Paulsen Vatshaug, Christian Steen, Vegard Forren, Knut Olav Rindarøy - Thomas Holm, Makhtar Thioune, Daniel Berg Hestad - Mattias Moström, Magne Hoseth, Pape Pate Diouf
AaFK
Gjestane frå Ålesund stilte med følgjande lag:
Anders Lindegaard, Enar Jääger, Jonatan Tollås, Daniel Arnefjord, Demar Phillips, Amund Skiri, Khari Stephenson, Johan Arneng, Peter Kopteff, Tor Hogne Aarøy, Jonathan Parr.
Under kampen øva arrangørstaben på fram mot sesongstart. Om lag 350 personar var med i øvinga.
Mellom anna trena dei på korleis dei skal handtere bråk i publikum, og brann på stadion.
Arrangørstaben skal også trenast under treningskampen på søndag.
Foto: Odd Sørås / NRK
