Tiggarar har invadert jazzen

Det er tiggarar over alt i jazzbyen Molde. Gatene er fulle av festivaldeltakarar og turistar, men likevel er tiggarane svært synlege i bybiletet. Nokre sel aviser, medan andre berre vil ha pengar.

– Det er ikkje så veldig flott, det er rett og slett litt skjemmande. Det er ein stemningsdempar, seier festivaldeltakar, Sondre Mittet.

LES OGSÅ:

• God kommunikasjon med romfolket
• Vil registrere tiggere

Tiggar ved uteserveringa

Til og med på uterestaurantane driv dei med tigging. Ifølgje politiet er det mellom 50 og 100 tiggarar i Molde. Dei fleste frå Romania og Bulgaria, og fleire kan det bli når helga nærmar seg.

– Det var ei auke i fjor, men i år trur eg at auka er endå større. Vi har ikkje hatt så mange klagar og meldingar, men vi har teke imot enkelte klagar på at tiggarane tek seg til rette og brukar sanitæranlegga rundt om kring, seier Steinar Hjellnes, leiar ved ordensavdelinga ved Molde politistasjon.

LES OGSÅ:

• Frykter tiggerne vil flykte til «snille byer»
• – I Oslos situasjon tror jeg forbud mot tigging er det riktige

– Ikkje gi pengar

Hjellnes rår folk til å ikkje gje tiggarane pengar. Han seier at dei vil aldri bli kvitt dette problemet viss vi gir. Men politiet vil ikkje gripe inn mot tiggarane så lenge dei ikkje gjer noko kriminelt. Men ordensvakta forstår at festivalpublikummet reagerer på omfanget av tigginga denne festivalsommaren.

– Det er heilt sikkert mange som reagerer, og blir litt hissige mot dei. Men det er unødvendig. Ein må heller ringe oss viss ein opplever å bli plaga av dei, fortel leiaren ved ordensavdelinga i Molde.

LES OGSÅ:

• Her kastes de ut av parken
• Tre av fire vil ha forbud mot tigging

Aggressive tiggarar

Festivaldeltakaren, Atle Tangen, har opplevd at tiggarane har vore aggressive mot han.

– Det har hendt seg at dei har ropt etter meg, og det syns eg ikkje noko om. Givargleda vert i alle fall ikkje så veldig stor, seier Tangen.