Kraftkrisa uteblitt
Statnett vurderer om dei kan leige ut dei mobile gasskraftverka på Tjeldbergodden og Aukra. Kraftsituasjonen er no så god i regionen at det er lite truleg at desse mobile gasskraftverka blir brukte i overskueleg framtid.
Den varsla kraftkrisa i Midt-Norge har så langt uteblitt etter regntunge år. Dessuten har vi fått ei finanskrise som gjer at kraftkrevjande industri - som Hydro Sunndal - bruker langt mindre straum enn før.
Kommunikasjonssjef i Statnett, Irene Meldal, trur ikkje på krafttkrise denne vinteren og at det blir behov for dei mobile gasskraftverka.
Berre til bruk i krisetider
Dei mobile gasskraftverka på Tjeldbergodden og Aukra blei henta inn og plassert der i mer usikre tider. Dei forureinar mykje og skal berre brukest i krisesituasjon for å hindre at alt går i svart.
Irene Meldal er kommunikasjonssjef i Statnett.
Foto: StatnettDei er berre testkøyrd og ikkje tatt i bruk som kraftkjelde inn på nettet.
Men for Statnett er omsyn til forsyningstryggleiken det viktigaste og desse mobile gasskraftverka er viktige i den beredskapen om det skulle bli kraftkrise.
Nå utreder Statnett om det er mulig å leige ut gasskraftverk og tene pengar på dei, seier kommunikasjonssjef i Statnett, Irene Meldal.
Gasskraftverket på Ormen lange-anlegget Nyhamna er det minst mobile av dei to og skulle det leigast ut ,er det helst frå ein sesong til ein annan.
Gasskraftverket på Tjeldbergodden er lettare å demontere og kan flyttas i løpet av veker.
