Den første meldinga gjekk ut på at skadane på sauen var meldt inn som mishandling, og at sauen truleg måtte avlivast.
– Det ser ut som sauen klarer seg, seier operasjonsleiar Tove Holst-Dyrnes ved Møre og Romsdal politidistrikt klokka 10.15.
Gardbrukaren melde frå
Ein gardbrukar i Sykkylven melde søndag morgon frå til politiet at ein av sauene hans har fått store skadar i hovudet etter mishandling.
Ifølgje politiet var skadane så store at sauen truleg må avlivast.
– Vi veit ikkje meir. Vi er no på staden og veterinæren har nettopp kome fram, sa operasjonsleiar Tove Holst-Dyrnes ved Møre og Romsdal politidistrikt tidleg søndag morgon.
Har fått sårskadar
I ettertid seier ho at det no blir oppretta ei sak, men at sauen har fått sårskadar.
– Mistenkjer de at det har skjedd noko kriminelt?
– Det veit vi ikkje, vi får undersøkje og etterforskar saka på vanleg måte, seier ho.
Politiet fekk melding om skaden i 8.30-tida søndag morgon, men det er uvisst når bonden oppdaga det som hadde skjedd.
-
