Mattilsynet kan ikkje seie sikkert om sauen som blei funnen flytande i sjøen ved Hundsværholmen i Ålesund blei utsett for mishandling. – Obduksjonsrapporten er klar, men vi kan ikkje konkludere med om kuttskadane skuldast mishandling eller at sauen har hengt seg opp i noko. Det einaste vi veit sikkert er at sauen ikkje døde av drukning, seier Kristin Ness i Mattilsynet.
Sauen som blei funne flytande i sjøen ved Hundsværholmen i Ålesund døde ikkje av drukning. Det seier seksjonsleiar i Mattilsynet, Anne Stine Foldal Aam. Dei ventar framleis på obduksjonsrapporten for å kunne seie noko om dødsårsaka. Sauen hadde fleire kuttmerke og mangla ei øyre då den blei funnen i slutten av mai, og eigarane frykta at dyret hadde blitt mishandla. Saka blir framleis etterforska av politiet.
Politiet etterforskar framleis mishandlinga av ein daud villsau på Hundsværholmen i Ålesund. – Vi ønskjer tips dersom nokon har sett noko eller veit noko, seier politiinspektør Yngve Skovly til NRK.
Mattilsynet har teke imot ein daud villsau som dei mistenker har blitt mishandla. Sauen er ein av to som har beita på Hundsværholmen i Ålesund. Seksjonssjef Anne Stine Folldal Aam i Mattilsynet seier dei vil melde saka til politiet, i tillegg til å obdusere sauen. Det var eigarane som fann dyret drivande i sjøen laurdag.
