- FOLK BLIR TRYGGARE PÅ SEG SJØLV: Det trur MOT-fadderen Marius Fylling.
Foto: Bernt Baltzersen / NRK
MOT HJALP: Anne Sofie Aasestrand Hurlen trur MOT kan ha vore med på å få ned mobbinga ved skulen.
Foto: Bernt Baltzersen / NRKSkulen har vore med på kampanjen i seks år, og det har fått mykje å bety trur elevane.
- Folk blir tryggare på seg sjølv og tenkjer meir på andre, seier Marius Fylling. Han er ein av MOT-fadrane på skulen.
- Er det mobbing på skulen?
- Eg trur nok her er mobbing, men eg trur det har minka etter MOT, seier Fylling.
- Eg har sagt frå
MOT er ein haldningsskapane organisasjon som arbeider for og med ungdom. Målet er å gjere ungdomane trygge og robuste, skriv organisasjonen på si nettside.
Les meir om organisasjonen til høgre i artikkelen.
- Eg har sagt frå at dei skal slutte å plage personen, eller finne andre ting å gjer, seier Mathias Øynebråten Leite.
Trur MOT hjelper
- Eg har følt meg dårleg berre ved tanken på å gå på skulen, seier Anne Sofie Aasestrand Hurlen. Ho er ei av dei som har opplevd mobbing på skulen.
- Det var ikkje fysisk slik ein gjerne trur, seier ho til NRK.
Eleven trur mange har blitt meir modne, og at det kanskje er MOT som har fått litt å bety for skulen.
- Dette handlar om folkeskikk og etikk, og korleis ein skal oppføre seg saman med andre, seier rektor Bjørn Nedreskodje ved Skarbøvik ungdomsskole.
