Kontrakten gjeld mellom anna leveranse av isolasjon, stillas, overflatebehandling og vedlikehald på fleire av Statoil sine plattformer, og har ein verdi på tre milliardar kroner.
Ei anerkjenning for jobben som er gjort gjennom mange år for Statoil, seier administrerande direktør Kristoffer B. Jenssen.
– Denne kontrakten letter ei tung bør frå skuldrene våre, og det er ein stor dag for alle tilsette i selskapet, seier han.
- Les også:
Behov for fleire medarbeidarar
Som dei fleste andre bedrifter innanfor olje- og gassbransjen har selskapet vore inne i ei tung periode det siste året.
– Vi har sagt opp folk og jobba med kostnadane våre, seier Jennsen.
No peikar pila i motsett retning, og selskapet får behov for fleire medarbeidarar. Selskapet skal no tilsetje nye medarbeidarar med utreisestad både frå Brønnøysund, Kristiansund og Bergen.
Nokre av selskapet sine tilsette som bur i bergensområdet vil bli overført til dei nye anlegga. Prezioso Linjebygg ønskjer også å kunne hente tilbake permitterte tilsette.
– Vi har eit behov for å utvide arbeidsstokken. At alt det harde arbeidet no blir krona med ei ny kontrakt er ei skikkeleg god nyheit for heile selskapet, seier Jenssen.
Kontrakten startar opp umiddelbart, og implementering av dei forskjellige anlegga vil skje suksessivt framover vinteren og våren.
- Les også: