NRK Meny

Melding om brann var røyk frå SOS-boks

Alle naudetatane rykte ut etter meldingar om røyk frå ein passasjerbåt i Ellingsøyfjorden. Det viste seg å vere røyk frå ei røykboks som hadde blitt løyst ut med eit uhell.

Trio båt

Alle naudetatane rykka ut etter melding om røyk frå ein passasjerbåt. Det viste seg å vere røyk frå ei røykboks.

Foto: Sissel Brunstad / NRK

Artikkelen er mer enn ett år gammel.

Det var like før klokka 13.30 at politiet melde om sterk raud røyk frå «Trio», passasjerbåten som går i Ellingsøyfjorden om sommaren. Alle naudetatane rykte ut til staden.

Røykutvikling i Trio-båt

Røyken kom frå ei røykboks, SOS-boks, om bord i båten.

Foto: Sissel Brunstad / NRK

Men etter kort tid kunne politiet bekrefte at det ikkje var snakk om brann.

– Det har vore ei røykboks, ei SOS-boks, om bord i båten som har hekta seg fast i noko på Kalvøya og så har den gitt frå seg mykje røyk, seier Trond Olsen, innsatsleiar i politiet.

Politi og brannvesenet fekk ein rekke telefonar om røykutviklinga.

– Mange tok kontakt for å melde frå om røyken, men det var altså ikkje brann, seier Olsen.

Mykje røyk

Det var rundt 20 barnehagebarn og seks-sju vaksne i båten då røykutviklinga oppstod.

– Det såg veldig dramatisk ut først, men det var jo på grunn av all røyken. Det har ikkje vore noko røyk i båten i det heile tatt. Barna som var om bord i båten har heller ikkje blitt utsett for røyk, seier Olsen.

Han fortel vidare at brannvesenet no skal undersøke bøya for å finne ut kva som er i den.

– Slik vi ser det no er dette eit hendig uhell, og så får vi eventuelt kome tilbake til saka på eit seinare tidspunkt, seier Olsen.

Trudde først det var ei røykmaskin

Politiet melde først at røyken skuldast røyk frå ei røykmaskin i båten.

Laster Twitter-innhold

Trio-båten frakter kvart år hundrevis av passasjerar til og frå øyene i Ellingsøyfjorden. Trioen kan også leigast til turar til og frå Slotsviknaustet, Devoldfabrikken, Seilerhytta m.m.

Siste video/lyd

Mange geitebønder i landet vil ha den elektriske geiteklaven til Gjemnesbedrifta Nofence. Produksjonen pågår for fullt, men geiteklaven er enno ikkje godkjend. Gründerbedrifta treng beitesesongen 2017 for å gi Mattilsynet dokumentasjonen dei krev.
Dei fleste har meir enn nok med å SJÅ utfor kanten på den hundre meter høge Zakariasdammen i Tafjorden på Sunnmøre.
Men det finst folk som vil betale for å få seg ein luftig tur. Og frå neste veke av kan dei gjere akkurat dét...
Fiskesperra som skal redde den nasjonale lakseelva Driva, blir slakta av ekspertar på behandling av gyrosmitte. Miljødirektoratet er ansvarleg for prosjektet til seksti millionar kroner. Dei meiner det trengst berre små justeringar.