Det var torsdag føremiddag at politiet på Sunnmøre etterlyste tips etter at nokon hadde fjerna planter for fleire tusen kroner frå ei rundkøyring i Furene i Volda.
Plantane hadde blitt fjerna i løpet av natt til torsdag.
I 15.00-tida torsdag hadde den skuldige meldt seg.
– Gjerningsmannen tok sjølv kontakt med Plantasjen og ville gjere opp for seg. Han møtte opp saman med ein liten gjeng for å rydde opp i ugjerninga si, seier Per Åge Ferstad, operasjonsleiar for politiet på Sunnmøre.
– Plantasjen ville i utgangspunktet melde forholdet, men har no trekt politimeldinga. Det er bra når det ordnar seg på denne måten, seier Ferstad.
