Marie Lovise Widnes er død
Forfattar og politikar Marie Lovise Widnes er død, 91 år gammal. Familien melder på Widnes sine facebook-sider at ho somna inn i dag tidleg etter å ha vore sjuk ei stund. Widnes budde på Hareid i mange tiår, men kom opphavleg frå Vanylven.
Ho sat på Stortinget for SV frå 1989-1993. Widnes fekk mange utmerkingar og mellom desse var Kongens fortenstmedalje i gull (2006).
Marie Lovise Widnes var også i mange år ein aktiv songar. Visa «Gangdøra» skreiv ho som 19-åring og denne kom på plate i 1957.