Den omkomne er ein svensk statsborgar i femtiåra. Han var i følgje politiet på tur saman med ein svensk kollega då han blei tatt av skredet
Skredet gjekk laurdag ettermiddag og mannen blei meldt sakna. Like etter klokka 18 blei han funnen av turfølget. Ifølgje politiet fekk mannen førstehjelp av helikoptermannskapet på staden.
Like før klokka 19 melde politiet at mannen blei henta ned med helikopter. Dei andre skiløparanevar då på veg ned for eigen maskin.
To grupper på tur ved skredet
Helikopter deltok under aksjonen i Rauma laurdag ettermiddag.
Foto: Ottar RydjordSkredet gjekk mellom Kavlisetra og Kyrkjetaket i Isfjorden. Ifølgje Ohr var det to grupper på ski i området då skredet gjekk. I det eine følgjet var det to utanlandske, i den andre gruppa var det tre norske.
Operasjonsleiar Leif Bergem-Ohr seier det ikkje er mistanke om at fleire er tekne av skred i Rauma.
Foto: Eirik Haukenes– Det har vore fleire i følget, men det var ikkje mistanke om at fleire vart tekne av skredet, seier operasjonsleiar Leif Bergem-Ohr ved Møre og Romsdal politidistrikt.
Veit ikkje kva som har utløyst skredet
Politiet veit førebels ikkje kva som har utløyst skredet. Ifølgje Bergem-Ohr gjekk det like før eit anna skred i det same området.
– Vi er ikkje kjende med årsaka. Vi veit ikkje om det er skiløparane sjølve, seier han.
– Kor stor er snøskredfaren i området?
– Eg er ikkje kjend konkret med det, men det har vore ein god del snøfall i det siste, og det er mildvêr, så det er vel noko av det som bidrar til at det blir løyst om skred, seier han.
Også i Sogn og Fjordane har det gått fleire snøskred laurdag.
