Mannen hamna i vatnet i Innfjorden, og naudetatane rykte ut.
Det blei gitt livreddande førstehjelp, men livet til den eldre mannen sto ikkje til å redde.
Rykte ut
Dei pårørande er varsla.
Politiet opplyser at mannen blei funnen like ved båten sin.
– Vi fekk melding om ei mogleg drukningsulykke i Rauma, og rykte ut saman med ambulanse og luftambulanse, fortel operasjonsleiar i Møre og Romsdal politidistrikt, Erik Daniel Dyb.
Brannvesenet rykte også ut til staden.
– Det vart då funnen ein eldre mann i sjøen. Han blei tatt på land og gitt livreddande førstehjelp, men etter ei stund måtte vi dessverre avbryte, og mannen vart stadfesta omkomen, fortel operasjonsleiaren.
Opprettar sak
Politiet kan ikkje no seie kva som er årsaka til ulykka, men dei har oppretta sak.
– Vi veit at han var nede på brygga med båten sin, utover det har vi ikkje detaljar om ulykka. Men vi har oppretta ei sak der vi vil forsøke å lande litt meir kva som har skjedd, seier Erik Daniel Dyb.
