Mannen erkjente seg skuldig og delvis skuldig for det han var tiltalt for då han møtte i Møre og Romsdal tingrett for to veker sidan.
Mannen og dottera hadde delvis avvikande forklaringar. Retten meinte derimot at det utan tvil kan bevisast at mannen ved fleire anledningar over to år utsette dottera for seksuelle overgrep.
– Utnytta omsorgsposisjon
Dottera var under 14 år medan overgrepa gjekk føre seg.
I tingretten blei mannen i 50-åra frå Sunnmøre dømt for fleire lovbrot, mellom anna valdtekt og incest. Retten meinte at valdtekta var grov og la vekt på jenta sin unge alder og at det skjedde gjentatte overgrep.
Mannen blei også dømt for å ha utvist seksuelt krenkande åtferd i dottera sitt nærvær og for forsøk på seksuell omgang med ho.
– Han har gjort seg skuldig i grove overgrep og har utnytta omsorgsposisjonen sin på det grovaste, står det i dommen.
Retten har også lagt vekt på at fleire av forholda skjedde heime medan mora til jenta var vekke.
– Ved fastsetting av straffenivået har retten vidare lagt vekt på at tiltalte har mast på henne og at ho opplevde overgrepa som tvang, meinte retten.
Fekk strengare straff
Dommarane meinte at sju år og fem månader ville vere ei passande straff. Mannen fekk strafferabatt for å ha erkjent straffeskuld og blei til slutt dømt til fengsel i seks år.
Dette er seks månader strengare enn det aktor bad om når saka var oppe i tingretten.
– Eg tek dommen til etterretning. Eg meiner at det er rett at mannen får ei så streng straff, seier statsadvokat Inger Myklebust.
I tillegg til fengselsstraffa må mannen betale 300.000 kroner i erstatning til jenta.
Statsadvokat Inger Myklebust.
Foto: Øyvind Sandnes / NRKHar ingen kommentar
Forsvararen til mannen, Oddvar Aarsæther, seier at dei ikkje har ein kommentar til dommen.
