Om det er ein einaste ting dei mange norske festivalane har til felles, så er det at dei er heilt avhengige av stor frivillig innsats.
LES OGSÅ:
LES OGSÅ:
Vil tene på innsatsen
På ein tilfeldig sjekkrunde på eit kjøpesenter i Ålesund, fann NRK ingen som har tenkt å jobbe frivillig på festival.
- Viss eg skulle jobbe så mange timar, ville eg helst hatt noko for det, seier Marianne Alvarado-Mora.
Fleire andre viste til at dei ikkje har tid, men at dei elles ville stilt.
- Frivillige er fundamentet
- Dei frivillige er fundamentet vårt, seier frivilligansvarleg Ina Blindheimsvik.
Fem dagar før høgtalarane dundrar sommarfeststemning utover Giske, er staben framleis for liten.
Fredag skreiv Sunnmørsposten at Sommerfesten manglar 70 frivillige.
Det gav resultat.
- Berre i løpet av helga har me fått oppimot 20 personar til, seier Blindheimsvik.
- Viktig å støtte
Ein av dei som jobbar gratis for Sommerfesten er Lars-Ove Håhjem.
- Når nokon får noko til i nærmiljøet, er det viktig å støtte opp om det.
- Tar det mykje energi?
- Nei. Og så får ein mykje kjekt igjen når ein møter mange nye menneske.
Halvparten kjem tilbake
Moldejazz nr 50 avslutta i går.
LES OGSÅ:
Den er i særstilling.
Etter så mange festivalar gir frivilligstaben seg mykje sjølv.
- Kvart år får dei frivillige ein e-post om dei vil verte med eitt år til, og det er det overraskande mange som vil, seier frivilligkoordinator Ståle Skårn i Moldejazz.
Han anslår at om lag halvparten av dei som har vore frivillige kjem igjen.
Manglar øl-seljarar
Men medan Skårn kan lene seg tilbake og slappe av etter festival, er det framleis full fart på Giske.
Nett no er det avgjerande å finne nokon til å skjenke øl.
- Me treng folk som kan stå i ølteltet laurdag kveld. Hugs at ein kan høyre konsertane derifrå og, seier frivilligansvarleg Birgitte Furnes.