Opprinneleg skulle sengeposten ved det nye kreftbygget i Ålesund opne 1.januar.
Oppstarten av sengeposten er no utsett til april, og dersom ein ikkje klarer å skaffe fleire legar og anna fagpersonell, kan opninga bli utsett igjen, seier avdelingsleiar Olbjørn Klepp.
Avdelingsleiar Olbjørn Klepp. Foto: Øyvind Johan Heggstad
Det er særleg vanskeleg å rekruttere overlegar, seier Klepp.
No må sjukehuset truleg gå til utlandet for å skaffe seg spesialistar.
Men det er ein lite ønskjeleg situasjon, fordi legane på kreftavdelinga ofte må ta seg av døyande pasientar og deres pårørande. Da er det svært viktig at språket ikkje blir ein barriere.