Lys, hav og humor

Kunstnaren vonar folk vil kjenne ho att i desse bileta, endå mange av måleria ikkje har så gilde fargar som avisteikningane hennar gjerne har. Og det er som avisteiknar i Sunnmørsposten ho er best kjend.

Inger K. Giskeødegård er opphavleg frå Langevåg, og der arbeider ho også til dagleg - ho har atelieret sitt i Devold-fabrikken. Ho har hatt to store utstillingar ved Aalesunds Kunstforening i Ålesund før. No stiller ho ut 63 kunstverk, dei fleste er måleri, men her er også nokre litografiar.

- Svart-kvitt er gjerne det første kunstnarlege uttrykket vårt, seier ho. - Vi får ein blyant i handa, iallfall fekk eg det, og det første eg laga var i svart-kvitt-grått.

Ho vil gjerne at bileta hennar skal henge der folk ferdast. Gjerne på do - der dei fleste har tid til å studere dei!

Reaksjonar blant publikum:

Dei likar streken hennar, måten ho teiknar og målar på. Mange er spesielt glade i ku-bileta, for kyr er eit motiv ho brukar mykje. Ho blir også oppfatta som folkeleg, med mykje humor.