Brannvesenet har foreløpig ikkje kontroll på lyngbrannen på Frei i Kristiansund. – Vi har rekvirert redningsskøyta som vil hjelpe til med å sløkke brannen. Vi har også evakuert ei hytte i nærleiken, seier Roar Fylling i politiet. Båtar og bilar som er i nærleiken er bedt om å flytte seg.
Det er lyngbrann i Gravbukta på Frei. Nødetatane er på veg, og politiet ber småbåtar om å halde avstand. Dette er for at brannvesenet kan få rom til å sløkke brannen.
