NRK Meny
Normal

Gir ingen garantiar

Den nye hovudaksjonæren i Hellegjerde, Interstil, håper å oppretthalde produksjonen i Sykkylven. Men dei gir ingen garantiar.

Hjellegjerde i Sykkylven.
Foto: Øyvind Sandnes / NRK

Møbelgrossisten Interstil har no tatt over kontrollen i Hjellegjerde, og konkursfaren er dermed over for denne gang.

Video Hjellegjerde berga

Økonomisk vurdering

Men Interstil kan ikkje garantere at dei 70 arbeidsplassane i Sykkylven er sikra på sikt.

– Ingenting vil glede oss meir enn at vi kan oppretthalde produksjonen i Sykkylven. Det vil vi vurdere ut i frå økonomi. Dersom det fungerer, vil ingenting glede oss meir, seier Interstil-eigar Roar Høiland til NRK.

Dramaet rundt Hjellegjerde har pågått sidan ei generalforsamling den 26.juli sa nei til styret sitt forrige forslag til ein retta emisjon mot Rogaland-bedrifta Interstil AS.

Tysdag denne veka kom Interstil med eit nytt tilbod, og etter ein lang kamp for å sikre nok støtte, var det endeleg i boks fredag morgon.

400 tilsette

Hjellegjerde har over 400 tilsette, 70 av dei arbeider i Sykylven.

Konserntillitsvald Hallvard Sandvik vedgår at han framleis er spent på framtida.

– Eg kan også vere med og stille spørsmål ved om dei framleis vil produsere i Sykkylven. Eg veit ingenting. Men vi får håpe det, seier han.

Les også: