Hoem (29) er ny ordførar i Kristiansund

I mai blei det kjent at ordførar Per Kristian Øyen er bøtelagt for seksuelt krenkande åtferd mot ei kvinne. Øyen erkjente ikkje straffskuld, og ønskjer ikkje å kommentere saka.

Han opplyser til NRK at han er sjukemeld ut juli. Hoem har no fått beskjed om å vere fungerande ordførar fram til august.

• Les også: Vedtatt førelegg for seksuelt krenkande handling
• Les også: Møre og Romsdal Ap: – Det kom som et sjokk

Sidan mai har Kjell Neergaard vore ordførar, men no tar varaordførar Line Hoem over rolla etter å ha vore i svangerskapspermisjon. Ho er då den tredje ordføraren på tre månader i nordmørsbyen.

Forvirrande

Hoem er einig i at det kan vere forvirrande for folk å vite kven som styrar byen.

– Det er nok forvirrande, men vi må rette oss etter det veljarane har bestemt. Eg blei valt til varaordførar og då blir det riktig, seier ho.

• Les også: Neergaard forberedt på å være ordfører lenge

Kjell Neergaard er Arbeidarpartiets ordførarkandidat til hausten og Hoem står på andreplass på lista. Ho håper at tida i ordførarstolen blir kort, fordi ho er framleis ung, og kunne tenkt seg å bygge meir erfaring før ho får ordførarkjeda.

– Eg håpar at Kjell Neergaard tar over til hausten. Og då blir det nok meir stabilt dei neste fire åra.