For Geir Hovind Frøysedal har lesinga tatt heilt av. 23-åringen frå Stryn har vore nøydd til å kutte ut studia i Volda, for den siste tida har det handla om Bjørneboe, Hemingway og Dostojevski døgnet rundt.
- Eg har eit fanatisk forhold til litteratur. Det har balla på seg og det er sjeldan eg stoppar opp midt i ei bok. Har liksom trang til å lese ferdig ei bok når eg først har begynt på den.
Geir har tileigna seg ein leseteknikkk som gjer at han kan lese fem-seks bøker berre på ein dag. Siste nyttårsaft oppnådde han å ha lese to tusen bøker i løpet av året som gjekk.
Eigen bokbutikk
Boksamlinga har blitt så stor at drastiske skritt må til. 23-åringen opnar ein bruktbokbutikk i Volda sentrum. Han skal kvitte seg med tusenvis av bøker som har blitt liggande.
I tillegg til eiga boksamling er han ein storbrukar av biblioteket. Der låner han gjenre åtti bøker i slengen.
Bøkene er, og kjem til å vere ein viktig del av livet for litteratur-entusiasten frå Stryn.
- Eg kjem til å leite etter nye bøker og vere på vakt for nye utgivelsar, men eg kjem ikkje til å ha noko mål om å lese to tusen bøker kvart år - det er ikkje reelt, seier Geir med eit lite smil.