Turgåarane i Sunndal var to finnar, som sette frå seg sekkane for å ta seg opp i ulent terreng, ifølge politiet. Dei hadde kome bort frå kvarandre, og ropte difor høgt for å finne saman. – Vi er glade for at det gjekk så bra, seier innsatsleiar i politiet, Olav Gjøvik. Hanna og Anssi var takksame for at beredskapen var så god, sjølv om dei ikkje trengde hjelp.
Politiet har kome i kontakt med to personar som har plukka opp og eig sekkane som blei funne i Sunndal. Dei har gått vidare ned mot Grøa. Leiteaksjonen blir avslutta.
Redningshelikopter har gjort eit søk med kamera utan funn i Grøa i Sunndal, der det er funne to ryggsekkar og høyrt rop. Redningsmannskapa vil fly inn ein redningshund for å gjere eit nytt søk. Ingen er førebels meldt sakna.
Politiet har starta leiteaksjon i Grøa/Jokkerdalen i Sunndal, og har kalt inn Røde Kors, Norske redningshundar og redningshelikopter. Ein person har funne to ryggsekkar i eit bratt område og har høyrt rop, men fann ikkje ut kvar dei kom frå.
