Ålesund kommune skal vere prosjektkommune for Leikepatruljen i Norge. Poenget med prosjektet er å få barn til å røre på seg i løpet av skuledagen – og det gjennom leik i skulegarden.
Tiåringen Julia Eiken er ein av leiarane i Leikepatruljen. Meir enn 500 barn får no opplæring i å leike seg i skulegarden. Leikepatruljen er eitt av fleire slike program som er sett i gang på norske skular.
– Eg trur at det er bra at vi har Leikepatruljen. Vi får eit betre miljø og mindre krangling, seier Eiken.
Kursar dei yngre
Dei eldre elevane blir kursa gjennom ein dag på Aksla stadion til å kunne føre eigne Leikepatruljer. Tilbake på skulane blir det leiarane si oppgåve å setje i gang for de yngre elevane. Dei skal skape meir liv i skulegarden – både fysisk og sosialt.
Prosjektleiar i Leikepatruljen, Stig Johansen, vil at ideen skal spreie seg til resten av landet.
– Ideen er at ein skal skape aktivitet, og få med elevar som ofte går åleine, og også minske krangling og erting i friminutta, seier han.
Alle med i leiken
Femteklassingen Joakim Aarseth trur også at Leikepatruljen vil bidra til mindre mobbing.
– Eg trur at det gjer at alle får bli med i leiken.