Prosjektet« Trygg veksling » skulle vere ei overgangsordning til hjelp for menneske som kom ut frå rusavvenning eller fengsel. No blir det ikkje noko av, seier prosjektleiar Svein Arve Sivertsen i Kristiansund kommune.
Svein Arve Sivertsen er prosjektleiar i Kristiansund kommune.
Foto: Eirik Haukenes / NRK– Planen var å ha eit apparat for å ta i mot menneske som treng tryggleik når dei blir utskrivne frå institusjonar, slik at dei hadde ein stad å bu der vi kunne gi veldig tett oppfølging, seier Sivertsen ti NRK.
Kommunen har prøvd å lege eller kjøpe bustader, men det har vist seg svært vanskeleg å skaffe bustader til denne gruppa.
– Vi møter veldig mykje motstand når vi prøver å legge til rette slike bustader. Konsekvensen er at vi ikkje har tilstrekkelege bustad som vi er pålagt å ha, seier Sivertsen.
- Les også:
– Får høyre at folk søv ute
Elisabeth Iversen er leiar for psykiske helsetiltak. Ho seier alle innbyggjarar skal ha tilbod om ein stad å bu.
– Vi har fått rapportar om at folk faktisk har sove ute fordi dei ikkje har tak over hovudet. Og det tenkjer eg ikkje er verdig for noko menneske.
Sivertsen er samd i at situasjonen er uhaldbar. Han seier konsekvensane for den enkelte blir store.
Når dei ikkje har ein fast stad å bu blir det sjølvsagt vanskelegare å følge opp desse menneska og gi dei den hjelpa dei treng, seier Sivertsen.
