Sandvik har baka mange lefser i sitt liv, men ein ting gir ho fullstendig blaffen i.
- Det er berre av vanvare dersom lefsene vert heilt runde, seier ho.
Mange legg mykje flid i å få perfekt form på lefsene, men det bryr ikkje 80-åringen seg om.
- Dei skal brettast inn uansett, så det betyr då absolutt ingenting.
Artikkelen held fram under bildet.
Høyr adventskalenderepisode 22 her:
Erfaren lefsebakar
I årevis har ho baka, både til eigen familie og andre.
- Eg blandar søtmjølk, semulegryn, smør og bittelitt sukker, fortel Sandvik.
Dette rører ho til ein tjukk graut, og sidan skal der mjøl i deigen.
Sjå lefseoppskrifta til Bella nederst i artikkelen.
Effektiv bakar
Sandvik har funne fleire måtar å effektivisere bakinga.
- Mange brukar mykje tid på å væte klutar for å legge mellom lefsene, men det gjer ikkje eg.
I staden held ho dei rett under springen.
- Deretter legg eg dei mellom oppklipte plastposar. Eg fann ut at det fungerer bra, i staden for å styre med desse klutane, seier Sandvik.
Du kan sjå fleire bilde frå lefsebakinga til Bella ved å trykke på bildegalleriet til høgre i artikkelen.
Ikkje alle likar lefser
Bella Sandvik lagar også lefser med surmjølk i.
- Men den sorten er det ikkje alle som likar, seier ho.
Sjølv har ho eit oldebarn som elskar baksten.
- Ho får stjerner i augene når oldemor har lefser å by på. Men eit anna oldebarn som er to år yngre spør iblant om ikkje han kan få ei skikkeleg skive. Så det er litt forskjellig.