Bygginga av Nordøyvegen skal etter planen starte neste år og gi fastlandssamband til rundt 2900 menneske på øyane i Haram og Sandøy. Prosjektet omfattar fire fjordkryssingar med tre undersjøiske tunnelar. Lastebileigarforbundet er uroa. Dei er generelt imot mange av dei undersjøiske tunnelane som både er bygt og som er under planlegging, fordi dei er så bratte.
– Nordøyvegen er kanskje ein av dei verste med den stigninga som er planlagt. Vi er svært skeptiske, seier fylkesleiar Finn Andre Fredvig-Erichsen i Norges Lastebileigarforbund.
Tunnelbrann
Finn Andre Fredvig-Erichsen i Norges Lastebileigarforbund er skeptisk til dei bratte undersjøiske tunnelane.
Foto: Trond Vestre / NRKNordøyvegen har fått dispensasjon til å bygge brattare enn krava til Vegdirektoratet og EU-direktivet, som er på fem prosent. Fredvig-Erichsen meiner det vil gå utover tryggleiken. Det er 10 prosent helling i dei planlagde tunnelane.
– Skjer det ei ulukke inne i ein tunnel, så har det ein heilt annan konsekvens enn ute i fri luft. Jo brattare tunnelen er, dess større er faren for ulukker. Det er logisk på grunn av varmgang i bremse og motorar, seier fylkesleiaren.
Han viser til tunnelbrannane den siste tida. Ei kartlegging frå Vegdirektoratet viser at det er flest brannar i bratte tunnelar.
Må vere så bratt
Marianne Nærø er prosjektleiar i Nordøyvegen. Ho seier at tunnelane er topp moderne og skal vere trygge.
Foto: Wiggo Kanck / Statens vegvesenProsjektleiar i Nordøyvegen, Marianne Nerø, seier at topografien gjer at tunnelane må byggast så bratt. Dei skal starte bygginga på Hestøya og øya er ikkje stor nok til ei slakkare skråning. Stigninga er den same som på Eiksundtunnelane i Ulstein.
– Tunnelane vi skal byggje på Nordøyane er topp moderne med alt tryggingsutstyr som er påkravd. Dermed skal tunnelane vere trygge å ferdast i, seier Nærø.
Korte bakkar
Oddbjørn Vatne er leiar i samferdsleutvalet. Han meiner fylket er avhengig av undersjøiske tunnelar.
Foto: Trond Vestre / NRKLeiar i samferdsleutvalet i fylket, Oddbjørn Vatne, har årevis engasjert seg for Nordøyvegen. Han meiner at bakkane i dei undersjøiske tunnelane som skal byggast på Nordøyvegen, er så korte at dei ikkje skal utgjere same fare som dei bratte og lange.
– Tunnelane vil heilt klart bli akseptable. Tunnelbrannane den siste tida har oppstått i lange og bratte bakkar, slik at bilane har gått varm, seier Vatne.
Han meiner at undersjøiske tunnelar har betydd mykje for utviklinga i Møre og Romsdal og at alternativ er ferjer som til stadigheit er innstilte.
Nordøyvegen har eit kostnadsramme på om lag tre milliardar kroner.
