Det var Bye sjølv som gjekk rettens veg, då ho i fjor sommar meinte seg svært usakleg omplassert av kystdirektør Kirsti Slotsvik.
- Les også:
Forholdet mellom Bye og Slotsvik skal ha kjølna veldig etter omplasseringsforslaget. Dei to skal ha ryke uklar ei tid før omplasseringa.
Kystdirektøren meinte omplasseringa låg innanfor retten hennar som arbeidsgjevar. I tillegg blei det sagt at Bye over lang tid hadde vore uskikka for jobben.
Etter tre dagar i retten vann derimot Vigdis Bye ein knusande siger.
- Les også:
- Les også:
Reagerte på intern e-post
I etterkant av rettssigeren fortalte Bye til NRK at det hadde vore ei svært tøff tid, samstundes som ho var klar på å gå tilbake i si opphavlege stilling.
Likevel var det klart at omplasseringsvedtaket var gjeldande fram til dommen var rettskraftig.
– Bye skal over i den andre stillinga fram til den ligg føre ein rettskraftig dom, sa Anne Marie Due, Kystverket sin advokat, etter dommen.
Dagen etter at Vigdis Bye hadde vunne i retten blei ho omplassert. Internt i Kystverket blei det kunngjort i ein e-post der det berre blei skrive at domsresultatet var at Bye skulle omplasserast. Det reagerte Bye sin advokat Katrine Hellum-Lilleengen på.
– Resultatet av dommen er at pålegget om omplassering er urettmessig og at ho (Bye, journ. anm.) dermed kan gå tilbake til si avdelingsdirektørstilling når dommen er rettskraftig, sa Hellum-Lilleengen.
- Les også:
Kystverket ankar
No kan ta det desto lengre tid før det skjer, for Kystverket ankar, fekk NRK opplyst onsdag.
I Sunnmøre tingrett fekk Vigdis T. Bye medhald på alle punkt i rettssaka mot eigen arbeidsgjevar.
No skal Frostating lagmannsrett ta stilling til saka, noko lagmannsretten stadfestar.
NRK har kontakta begge partar utan å få svar.