Politiet fekk melding om ulykka klokka 18.55 søndag kveld.
– Kvinna som omkom var passasjer i den eine bilen, opplyser operasjonsleiar Jan Erik Kjøl til NRK klokka 22.30.
Møteulykke
Totalt tre personar var involverte i kollisjonen mellom dei to bilane, to personar sat i den eine bilen som var på veg mot Trondheim og ein person sat i den andre som var på veg i motsett retning.
Kvinna som omkom er busett i Trondheim, men er frå Sunnmøre.
Dei to andre personane vart sendt til St. Olavs Hospital og skal ikkje vere kritisk skadde, ifølgje politiet.
– Var det glatt føre som gjorde at bilane kolliderte?
– Det veit vi ikkje. No får vi hjelp av ulykkesgruppa frå Statens vegvesen for å finne ut kva som har skjedd, seier Kjøl.