Takkollapsen, der ei kvinne i 50-åra døydde etter at ho fekk eit fjøstak over seg i Herøy laurdag, blir etterforska som ei ulykke. Det seier lensmann Tor Sæther til NRK. – Vitne blei avhøyrd på staden, men ingen såg sjølve ulykka, seier han. Det var tung snø på fjøstaket då det kollapsa, men politiet ventar på åstadrapporten før dei kan konkludere med årsaka til ulykka.
Det er framleis uklart kva som var årsaka til at eit fjøstak fall over ei kvinne i Herøy på Sunnmøre laurdag. Kvinna i 50-åra døydde som følgje av skadane ho fekk. Kriminalteknikarar jobba i går på staden og saka blir etterforska vidare av politiet.
Kvinna som fekk eit tak over seg på Gurskøya i Herøy kommune på Sunnmøre er no frigjort frå taket. Ho blir no tatt hand om av helse, opplyser politiet. Skadeomfang er framleis ukjent.
Naudetatane er på veg til Gurskøya i Herøy kommune på Sunnmøre etter meldingar om at ei kvinne skal ha fått eit tak over seg. Skadeomfang er så langt uklart, opplyser politiet.
