Søviknes Verft
Båten er spesialbygt for å kunne slepe oljetankarar og båtar med farleg last. Den er leigd inn av Kystvakta for ein periode på 10 år.
Søviknes Verft i Haram har bygt båten som har kosta 130 millionar kroner, og gudmor er Marit Nybakk som leiar i Forsvarskomiteen på Stortinget.
Moderniseringsprogram
KV «Harstad» markerer starten på eit moderniseringsprogram av kystvakta. Fartyet er designa av Rolls-Royce Marine AS i Ulstein.
I tillegg til å utføre generelle oppdrag for kystvakta skal KV "Harstad" kunne utføre redningsoppdrag for havarerte undervannsbåtar.
Nord-Noreg
Dåpen av KV Harstad (Foto: Bernt Baltzersen, NRK)
KV "Harstad" har god oljevernkapasitet og inngår i den statlege slepebåtberedskapen langs kysten av Nord-Noreg.
Fartyet er 83 meter langt, har ein bredde på 15,5 meter, ein toppfart på over 18 knop med eit mannskap på 20 personar.
KV "Harstad" inngår i normal kystvaktpatrulje i nordområda, og blir ein del av Kystvaktskvadron Nord sin flåte med base på Sortland.
KV «Harstad» blir sett inn i ordinær patrulje i byrjinga av februar.