Bystyret i Kristiansund har godkjent avtalen med Kvernberget Hotelinvest om retten til å kjøpe ei tomt på 20 dekar på Kvernbergmyran. Kommunen har sett prisen til 3,4 millionar kroner. Hotellselskapet må kjøpe tomta innan eit år, men fristen kan utsetjast dersom særlege grunnar skulle tilseie det.
Bystyret i Kristiansund opnar også for hotell på Kirketomta med tilhøyrande konferanse- og kulturlokale i gamle Langveien ungdomsskole. Utbyggjaren skal betale 15 millionar kroner for ungdomsskulen og vel 8,8 millionar kroner for Kirketomta, skriv Tidens Krav.