I statsbudsjettet er det forslag om eit to års prøveprosjekt der gynekologar utanfor sjukehusa kan gi ut abortpillar.
Dette blir heilt feil, meiner stortingsrepresentant Rigmor Andersen Eide i KrF.
- Vi synest dette er eit steg i feil retning. Når vi først har ei abortlov så ønskjer vi gode ordningar der kvinnene får god rettleiing om det inngrepet dei skal ta og at dei får ei god oppfølgjing i etterkant.
Rigmor Andersen Eide meiner forslaget er eit steg i feil retning
Foto: Trond Vestre / NRKAndersen Eide fryktar at mange kvinner kan bli overlatne til seg sjølve etter aborten. Dette kan gå bra for mange, men for andre kan dette bli ei oppleving som kan få følgjer for resten av livet.
- Vi frykter at det kan bli eit frislepp av abortpillar dersom private gynekologar kan gi desse pillane inntil fosteret er ni veker gamalt. Då er fosteret ganske stort og det kan bli ei vanskeleg oppleving for kvinnene som utfører det.
KrF er imot abort og det gjer at partiet vil halde på ordningane der kvinnene kan få den rettleiinga dei no har krav til på frå sjukehusa eller andre som kan gi god hjelp og støtte, seier Andersen Eide.
