Kraftkar tok andreplassen i skarp konkuranse med 54 ostar av høg kvalitet frå heile Norden, seier prosjektleiar for Nordens Oste, Mikael Hansen. Konkurransen blir arrangert årleg i Svendborg i Danmark. Ingen andre norske ostar blei premierte.
–Dette viser at det går an å lage god ost i Noreg også, seier dagleg leiar i familieføretaket Tingvollost, Kristin Waagen.
Tingvollost hadde ei salsauke på 45 prosent i finanskriseåret i fjor, og har førebels måtta takke nei til førespurnader om eksport av osten sin. Nordmørsbedrifta kan vise til kjende namn som Bent Stiansen og Arne Brimi på kundelista si.
Det familiedrivne gardsmeieriet lagar fleire ostetypar av kumjølk frå eigen gard. Osten Kraftkar fekk i fjor tittelen Årets ost i Norge i tillegg til sølv i nordisk.
Egil Smith-Meyer, Kristin, Gunnar og Solvor Waagen i Tingvollost.
Foto: Tingvollost / Pressebilde
