Det er nesten ei dobling sidan i fjor, fortel leiar for barnevernet i Sula, Siv Kristin Tønnessen. Ho trur det kan vere fleire årsaker til det.
Ein av grunnane kan vere at folk er meir bevisste på å melde frå enn før.
– Sula kommune har også fått fleire innbyggjarar, og difor også fleire barn, seier Tønnesen.
Kraftig auke
Ho trur også at auka i talet på arbeidsinnvandrarar er ein av grunnane. Dei siste åra har talet på meldingar til barnevernet i Sula lagt rundt 70 til 75.
No har talt kome opp i 138. Ei nær dobling frå i fjor. Tønnesen fortel at både privatpersonar og kommunale etatar har blitt flinkare å varsle når dei har mistanke om at barn ikkje har det godt.
- Les også:
- Les også:
Utfordringa for Sula er å gå gjennom alle sakene.
– Vi strever med å ta unna alt, og det er ei utfordring å klare å vere ferdig med saksbehandlinga innan fristen. Vi manglar også gode tiltak, seier Tønnesen.
Rus og familievald
Lensmann Frode Haugen i Sula blir orientert om alle saker som meldast til barnevernet.
– Mesteparten av meldingane er på grunn av rus og vald i heimen. Frå skule og barnehagar verker det som om folk er meir oppmerksame på barna sin åtferd, og rapporterer på grunn av det.
