Nyleg fjerna styresmaktene avgiftene på eingongsflasker i plast.
Dersom Brænne ikkje klarer å omstille seg vil det få dramatiske konsekvensar for verksemda og dei 17 tilsette, seier dagleg leiar Martin Brænne.
Alternativet er nedlegging
- Alternativet er å stenge dørene og leggje ned, seier Martin Brænne som står foran ei svært viktig avgjerd.
Brænne seier dei ikkje har kome så langt at dei har gjort ei grundig vurdering, men han er optimist.
- Eg trur vi skal få dette til dersom vi har med oss kundar som forsvarer ei slik investering, seier Brænne.
Og kunden som Martin Brænne er avhengig av for å bli med vidare, er den tyske matvaregiganten LIDL, som Brænne har hatt eni storavtale med sidan dei etablerte seg i Noreg.
Sylte satsar friskt
Oskar Sylte Mineralvannfabrikk.
Medan Brænne teller på knappane har Oskar Sylte mineralvannfabrikk i Molde satsa friskt. Til Romsdals Budstikke seier Oskar Sylte at dei no gir gass og satsar mellom 50-60 millionar kroner i nytt produksjonsutstyr.
Det er styresmaktane som har satt brusprodusentane i litt av ei knipe etter at dei fjerna emballasjeavgifta på plastflasker.
Usikkert
I Volda er det stor forundring over det vedtaket som politikarane har gjort.
- Og når vi no høyrer at krefter innan opposisjonen på Stortinget snakkar om å gjeninnføre denne avgifta dersom dei kjem til makta til hausten, så er det jo opplagt då at det ikkje er lett å styre når ein har slike perspektiv framfor seg, seier Martin Brænne.