Torsdag startar X2 festivalen i Ørsta og Volda. Det er åttande gongen den innhaldsrike festivalen blir arrangert.
Vinter-ekstremsport-festivalen har utvikla seg til å bli den største i Skandinavia. I Ørsta og Volda blir det konkurrert høgt og lavt i ulike greiner.
Allereie før våghalsane kastar seg utfor i denne festivalen er fleire av dei beste frikøyrarane i Skandinavia plass i fjella – for å bli tatt bilde av.
Fleire lag konkurrerer nemleg om å ta dei beste bileta.
Fire lag skal konkurrere i fire dagar i området rundt Hjørundfjorden om å lage det beste slideshowet.
– Tema for oppgåva er fjord, fjell og skiglede, seier frikøyrar Karsten Geffle.
Bidraga skal dei fire laga levere torsdag, før dei skal bli vist under opninga av X2 i Volda torsdag kveld.
Deretter skal folket kåre ein vinnar gjennom avstemming på nett. Det skjer på Friflyt.no.