Kongeparet gratulerte

Ordførar Aud Mork fekk også ein god klem av dronning Sonja på denne kanskje største dagen i tida hennar som ordførar i det som er blitt gasskommunen Aukra.

- Det var kjekt å sjå dykk igjen, sa Aud Mork, som sist møtte kongen og dronninga på Aukra i 2003. No går ho av som ordførar. Til NRK Møre og Romsdal seier ho at ringen no er slutta, og at ho er glad for å oppleve som ordførar opninga av det gassanlegget ho var med på å få lagt til kommunen.

- Eg er glad og stolt over det vi har fått til, og eg trur dette blir eit nøkkelpunkt for næringslivet i distriktet, seier Aud Mork.