Ho er den første kvinnelege OL-deltakaren frå Nordmøre, men fekk ikkje det ho ønskja seg mest til jul: Snø på Tingvoll.
– Eg hadde håpa på å kunne vere på Tingvoll, heime, men eg var budd på at det kanskje blei her på Lillehammer.
Planen var full juleferie på Nordmøre, men bygda si store dotter må i staden ta ferie på Lillehammer. Skispora heime på Tingvoll er rett og slett for dårlege ...
– Eg ser litt slik på det at jul kan eg feire mange år framover, men treninga eg legg ned no er såpass viktig for det som kjem seinare, at eg prioriterer det lett, seier Solemdal.
Det er nemleg berre 1,5 månad til OL i Sotsji går av stabelen. Solemdal er
så langt.– Merkar det på stemninga
Ho var allereie ein svært heit kandidat for éin av OL-plassane på kvinnesida i skiskyting. Då ho sikra sin andre verdscupsiger tidlegare i desember var det derimot ikkje tvil.
No ofrar ho gjerne litt for å kanskje kjempe om liknande plasseringar i OL. For det er noko spesielt med meisterskapen som skjer kvart fjerde år.
– Det er spesielt. Ein merkar det på stemninga, både frå trenar og støtteapparat og heile gjengen. Det er OL som gjeld, og det blir spennande med mitt første OL. Eg gler meg veldig, smiler Solemdal.
No blir det god trening gjennom heile juleferien, før det blir nye verdscuprenn over nyttår. Det blir derimot ein liten tur innom Tingvoll.
– Eg skal innom ein tur heime på julaftan, for å hente pakkane, avsluttar 24-åringen flirande.