NRK Meny

Klatrar vekk sjukefråværet

Meir sjølvstendige barn gir friskare vaksne i barnehagane. Fleire barnehagar opplever kraftig reduksjon i sjukefråveret etter at dei lét barna gjere meir sjølve.

Sjå tv-saka: Ved å la barna gjere meir sjølv, har Rensvik barnehage i Kristiansund redusert sjukefråværet med seks prosent. Foto/redigering: Eirik Haukenes.

Artikkelen er mer enn ett år gammel.

«Klare sjølv» har i alle år vore eit av barn sine store parolar. No har det også blitt eit HMS-tiltak.

På stellerommet er det klart for bleieskift, og den vesle guten klatrar lett opp dei få skritta til stellematte sjølv, medan Ingrid Halsnes følgjer nøye med.

– Som du ser sparar det oss for mange tunge løft, og det gjer kvardagen betydeleg lettare, seier den barnehagetilsette.

Har redusert sjukefråværet kraftig

Prosjektet «La meg klare sjølv» er gjennomført i ein rekke barnehagar fleire stadar i landet, og ved å la barna klare mykje sjølv reduserer ein tunge løft, som igjen påverkar sjukefråværet.

Heidi Kleivli.

Heidi Kleivli, styrer i Rensvik barnehage i Kristiansund, meiner prosjektet «La meg klare sjølv» er positivt både for store og små.

Foto: Anne-Mari Flatset / NRK

I Rensvik barnehage i Kristiansund bruker dei trillestolar, mjølkekasser og bevisste haldningar, for å spare ryggen til dei vaksne.

På eitt år har sjukefråværet gått ned frå 18 til 12 prosent.

Og det blir stadig betre, meiner styrer Heidi Kleivli.

– Vi har redusert sjukefråværet på belastningsskadar betydeleg og dei tilsette kjem fortare tilbake i jobb, seier ho.

Positivt for både store og små

Og tiltaka er viktige. Barnehagetilsette har eit sjukefråvær som er nesten dobbelt så høgt som gjennomsnittet elles i arbeidslivet.

: Trine Betten, Ingrid Halsnes og Ann Kristin Hjelkrem

Trine Betten, Ingrid Halsnes og Ann Kristin Hjelkrem er fornøgd med prosjektet.

Foto: Anne-Mari Flatset / NRK

– Det er snakk om enkle, små grep som gjer kvardagen så mykje enklare for dei tilsette, seier Kleivli.

– Det er nesten slik at eg ikkje skjønnar kvifor vi ikkje har gjort det før, held ho fram.

I gangen er barna travelt opptatt med å kle på seg yttertøyet. Og det er ikkje berre dei barnehagetilsette som får eit utbytte av prosjektet, også barna blomstrar ifølgje Kleivli.

– Dei får ei mykje større meistringskjensle, dei får auka sjølvtillit, blir meir sjølvstendige og klarer stadig meir, seier ho.

Siste video/lyd

Mange geitebønder i landet vil ha den elektriske geiteklaven til Gjemnesbedrifta Nofence. Produksjonen pågår for fullt, men geiteklaven er enno ikkje godkjend. Gründerbedrifta treng beitesesongen 2017 for å gi Mattilsynet dokumentasjonen dei krev.
Dei fleste har meir enn nok med å SJÅ utfor kanten på den hundre meter høge Zakariasdammen i Tafjorden på Sunnmøre.
Men det finst folk som vil betale for å få seg ein luftig tur. Og frå neste veke av kan dei gjere akkurat dét...
Fiskesperra som skal redde den nasjonale lakseelva Driva, blir slakta av ekspertar på behandling av gyrosmitte. Miljødirektoratet er ansvarleg for prosjektet til seksti millionar kroner. Dei meiner det trengst berre små justeringar.