På Sunnmøre er det framleis ueinigheit om traseen til ein fergefri E 39. Kampen står om Storfjorden skal kryssast mellom Hareid og Sula eller mellom Festøy og Solevåg.
Tunge aktørar har peika ut Hafast, men Fefast-tilhengjarane meiner å ha gode kort på hånda.
– Legg for lite vekt på reisetid
Styreleiar i Fefast, Paul Kristian Hovden, hevdar at Fefast er eit mykje betre alternativ enn Hafast med tanke på miljøet.
– For dei fleste som skal reise på aksen Kristiansand-Trondheim, vil avstanden verte 15 kilometer lengre dersom ein vel å bygge ut Hafast i staden for Fefast.
Les også:
Hovden meiner fylkestinget og NHO har lagt for lite vekt på reisetid når dei vurderer dei to alternativa.
– Jobben tek fleire år
Eiksundtunnelen er eit av argumenta for at E39 skal gå gjennom via Hareid mot Ålesund, men det meiner Hovden ikkje er reelt.
– Eiksundtunnelen er ikkje god nok som framtidig stamvegløysing i det heile tatt. Då måtte ein ha bygd eit nytt og paralellt løp og det vil ha store ekstraomkostnader.
Tunge aktørar i politikk og næringsliv har peika ut Hafast, men blant fagfolk i vegvesenet har Hovden funne støtte for Fefast.
Les også:
Nærare ei avklaring kan dei kanskje kome i Nasjonal Transportplan som kjem i april.
– At det kjem ei endeleg avklaring då, vil tida vise, men eg trur dette er noko ein må jobbe med over fleire år, så vi vil halde fram med å halde saka vår varm.